കേരള യൂണിവേഴ്സിറ്റി എംപ്ലോയീസ് യൂണിയൻ വജ്ര ജൂബിലി സമ്മേളനം: പിണറായി വിജയൻ ഉദ്ഘാടനം ചെയ്യും

തിരുവനന്തപുരം: കേരള യൂണിവേഴ്സിറ്റി എംപ്ലോയീസ് യൂണിയൻ വജ്ര ജൂബിലി സമ്മേളനം ബുധനാഴ്ച്ച നടക്കും. 9.30ന് കേരള സർവകലാശാല പാളയം കാമ്പസിൽ പതാക ഉയരുന്നത്തോടെ സമ്മേളന നടപടികൾ ആരംഭിക്കും. തുടർന്ന് കാമ്പസിൽ വർണാഭമായ പ്രകടനം നടക്കും.

11മണിക്ക് എ കെ ജി ഹാളിൽ നടക്കുന്ന വജ്രജൂബിലി പൊതുസമ്മേളനം പ്രതിപക്ഷ നേതാവ് പിണറായി വിജയൻ ഉദ്ഘാടനം ചെയ്യും. തുടർന്ന് മുൻകാല നേതാക്കൾ പങ്കെടുക്കുന്ന സുഹൃത് സംഗമവും വാർഷിക പൊതു യോഗവും യൂണിയൻ ഹാളിൽ നടക്കും.

സമ്മേളനത്തോട് അനുബന്ധിച്ച് കാമ്പസിൽ ഫോട്ടോ എക്സിബിഷനും സംഘടിപ്പിച്ചിട്ടുണ്ട്.