പെൺകുട്ടികളെ പ്രതികരണ ശേഷിയുള്ളവരാക്കണം: സതീദേവി

തിരുവനന്തപുരം

വീടുകളിൽ സമഭാവനയുടെ അന്തരീക്ഷമൊരുക്കി പെൺകുട്ടികളെ പ്രതികരണശേഷിയുള്ളവരാക്കി മാറ്റണമെന്ന്‌ സംസ്ഥാന വനിതാ കമീഷൻ അധ്യക്ഷ പി സതീദേവി. മോഡൽ എൽപി സ്‌കൂളിൽ അന്താരാഷ്ട്ര ബാലിക ദിനവുമായി ബന്ധപ്പെട്ട് സംഘടിപ്പിച്ച "സേവ് ഗേൾ ചൈൾഡ്’ ക്യാമ്പയിനിൽ സംസാരിക്കുകയായിരുന്നു അവർ. സംസ്ഥാന ശിശുക്ഷേമ സമിതി സെക്രട്ടറി ജി എൽ അരുൺ ഗോപി അധ്യക്ഷനായി. ട്രഷറർ കെ ജയപാൽ സംസാരിച്ചു. വിദ്യാർഥികളും ശിശുക്ഷേമ സമിതിയിലെ കുരുന്നുകളും ചേർന്ന് ബലൂൺ മുകളിലോട്ട് പറത്തി "സേവ് ഗേൾ ചൈൾഡ്" ക്യാമ്പയിന് തുടക്കമിട്ടു.