ഡിവൈഎഫ്ഐ പാലിയേറ്റീവ് 
പ്രവർത്തനങ്ങൾക്ക് തുടക്കം

കരകുളം

ഡിവൈഎഫ്ഐ സ്ഥാപിതദിനത്തിൽ കരകുളം മേഖലാ കമ്മിറ്റിയുടെ നേതൃത്വത്തിൽ പാലിയേറ്റീവ് പ്രവർത്തനങ്ങൾക്ക് തുടക്കമായി. ആദ്യഘട്ടത്തിൽ ഓക്സിജൻ കോൺസൻട്രേറ്റർ, വീൽചെയർ, വാക്കർ, ബിപി അപ്പാരറ്റസ് എന്നിവ ഉൾപ്പെടെയുള്ള ഉപകരണങ്ങൾ ആവശ്യാനുസരണം രോഗികൾക്ക് നൽകും. ബ്ലോക്ക് സെക്രട്ടറി ആർ അമൽ ഉദ്ഘാടനം ചെയ്തു. മേഖലാ പ്രസിഡന്റ്‌ വി അനന്ദു അധ്യക്ഷനായി. ബ്ലോക്ക് പ്രസിഡന്റ്‌ എ നിഖിൽ, ജില്ലാ കമ്മിറ്റി അംഗം എ വി പ്രിയങ്ക, ട്രഷറർ ആർ അർജുൻ രാജ്, ജോയിന്റ്‌ സെക്രട്ടറി ആർ എസ് ജിതിൻ, എസ് റിയാസ്, എം എസ് രാഹുൽ, ആർ എസ് രാജീവ്, പ്രണവ്, പഞ്ചായത്ത് അംഗം വൈശാഖ് തുടങ്ങിയവർ പങ്കെടുത്തു. മേഖലാ കമ്മിറ്റിയുടെ ആംബുലൻസ് സേവനത്തിനൊപ്പം പാലിയേറ്റീവ് സേവനങ്ങളും വ്യാപിപ്പിക്കുമെന്ന് മേഖലാ കമ്മിറ്റി അറിയിച്ചു.