തൊഴിലാളിവിരുദ്ധ ലേബർ കോഡുകൾ 
പിൻവലിക്കണം: വി ശിവൻകുട്ടി

തിരുവനന്തപുരം

കേന്ദ്ര സർക്കാരിന്റെ തൊഴിലാളിവിരുദ്ധ ലേബർ കോഡുകൾ പിൻവലിക്കണമെന്ന് സിപിഐ എം സംസ്ഥാന സെക്രട്ടറിയറ്റ് അംഗം വി ശിവൻകുട്ടി പറഞ്ഞു. വി എസ് അച്യുതാനന്ദൻ നഗറിൽ (മാസ്‍കോട്ട്‌ ഹോട്ടലിൽ) കെടിഡിസി എംപ്ലോയീസ് അസോസിയേഷൻ സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. അസോസിയേഷൻ പ്രസിഡന്റ് കല്ലറ മധു അധ്യക്ഷനായി. സംസ്ഥാന ജനറൽ സെക്രട്ടറി എസ് ശ്രീകുമാർ റിപ്പോർട്ടും ട്രഷറർ സി ആർ രചന വരവുചെലവ് കണക്കും അവതരിപ്പിച്ചു. സിഐടിയു സംസ്ഥാന സെക്രട്ടറി കെ എസ് സുനിൽകുമാർ, കെടിഡിസി ഓഫീസേഴ്സ് അസോസിയേഷൻ സംസ്ഥാന ട്രഷറർ സന്ദീപ് ആർ നായർ, സിഐടിയു ജില്ലാ ട്രഷറർ ഇ ജി മോഹനൻ, കെടിഡിസി എംപ്ലോയീസ് അസോസിയേഷൻ സെക്രട്ടറി പി ബിനു എന്നിവർ സംസാരിച്ചു. സമ്മേളനം നാളെ സമാപിക്കും.