ടി ജി മോഹൻദാസിനെ 
കരിങ്കൊടി കാട്ടി എസ്‌എഫ്‌ഐ

തിരുവനന്തപുരം

ഡൽഹി ജന്തർമന്തറിൽ സമരംചെയ്‌ത വിദ്യാർഥികൾക്കെതിരെ വിദ്വേഷ പരാമർശം നടത്തിയ കേസിൽ അറസ്‌റ്റിലായ ആർഎസ്‌എസുകാരൻ ടി ജി മോഹൻദാസിനുനേരെ പ്രതിഷേധമുയർത്തി എസ്‌എഫ്‌ഐ. വഞ്ചിയൂർ കോടതിയിൽ ഹാജരാക്കാൻ എത്തിക്കവെ കരിങ്കൊടി കാട്ടി. പ്ലക്കാഡുകളുമായി അണിനിരന്ന പ്രവർത്തകർ വർഗീയവാദി തുലയട്ടെ എന്ന മുദ്രാവാക്യം മുഴക്കി വാഹനം തടഞ്ഞു. പൊലീസ്‌ ഇടപെട്ടാണ്‌ വാഹനം കോടതിയിലേക്ക്‌ കടത്തിവിട്ടത്‌. ജില്ലാ സെക്രട്ടറി നന്ദൻ, സംസ്ഥാന കമ്മിറ്റി അംഗം ആശിഷ്‌, ജില്ലാ ജോയിന്റ്‌ സെക്രട്ടറി സഞ്ജയ്‌, സെക്രട്ടറിയറ്റ്‌അംഗം ആഷിഖ്‌ തുടങ്ങിയവർ നേതൃത്വം നൽകി.