ഇന്റർ ഐടിഐ 
സ്പോർട്സ് മീറ്റിന്‌ തുടക്കം ​

ആറ്റിങ്ങൽ

സംസ്ഥാന ഇന്റർ ഐടിഐ സ്പോർട്സ് മീറ്റിന്‌ തുടക്കമായി. ആറ്റിങ്ങൽ ശ്രീപാദം സ്റ്റേഡിയത്തിൽ ഒ എസ് അംബിക എംഎൽഎ പതാക ഉയർത്തി ഉദ്ഘാടനം ചെയ്തു. സംഘാടകസമിതി ചെയർമാൻ എം പ്രദീപ് അധ്യക്ഷനായി. ജനറൽ കൺവീനർ എം എ നന്ദൻ സ്വാഗതം പറഞ്ഞു. തുടർന്ന് കായികമത്സരങ്ങൾക്ക് തുടക്കമായി. ആയിരത്തിമുന്നൂറോളം കായികതാരങ്ങൾ മത്സരങ്ങളിൽ പങ്കെടുക്കുന്നു. 18 വരെ നീണ്ടുനിൽക്കുന്ന കായികമേളയിൽ അത്‌ലറ്റിക്സ് കൂടാതെ, ഫുട്ബോൾ, വോളിബോൾ, ബാഡ്മിന്റൺ തുടങ്ങി ഗെയിംസ് ഇനങ്ങളും ഉൾപ്പെടുത്തിയിട്ടുണ്ട്‌.