എംഡിഎംഎയുമായി യുവാവ് പിടിയിൽ

ഹരിപ്പാട്

ആറ് ഗ്രാം എംഡിഎംഎയുമായി യുവാവ് പിടിയിൽ. താമല്ലാക്കൽ ഉസ്‌മാനിയ മൻസിൽ ഇയ്യാസ് (36) ആണ് പിടിയിലായത്. ജില്ലാ ഡൻസാഫ് ടീമും ഹരിപ്പാട് പൊലീസും ചേർന്ന് നടത്തിയ പരിശോധനയിലാണ്‌ ലഹരി കണ്ടെത്തിയത്. വീയപുരം സ്‌റ്റേഷൻ പരിധിയിൽ താമസിക്കുന്ന ഇയാളുടെ സുഹൃത്തായ ചെറുതന സ്വദേശിനി ഗോപികയുടെ വീട്ടിൽ വീയപുരം പൊലീസ് നടത്തിയ റെയ്ഡിൽ എംഡിഎംഎ കണ്ടെത്തിയിരുന്നു.