നഗരസഭ സ്ഥാപിച്ച ട്വിൻ ബിന്നുകൾ നോക്കുകുത്തി

ചെങ്ങന്നൂർ

ജൈവ, അജൈവ മാലിന്യങ്ങൾ ശേഖരിച്ച്‌ നീക്കം ചെയ്യുന്നതിന് നഗരസഭ നേതൃത്വത്തിൽ ടൗണിലെ വിവിധ കേന്ദ്രങ്ങളിൽ സ്ഥാപിച്ചിട്ടുള്ള ട്വിൻ ബിന്നുകൾ നോക്കു കുത്തി. നഗരസഭയിലെ ആരോഗ്യ വിഭാഗം മാലിന്യങ്ങൾ കൃത്യസമയത്ത് നീക്കാത്തതിനാൽ നിറഞ്ഞു കവിഞ്ഞു . പകർച്ചവ്യാധികൾ വലിയ തോതിൽ വർധിക്കുന്ന സാഹചര്യത്തിൽ ചെങ്ങന്നൂർ ജില്ല ആശുപത്രിയുടെ മുൻവശത്ത് ന്ഥാപിച്ച ബിന്നിൽ ആശുപത്രിയിൽ ഉപയോഗിച്ച മാസ്കുകൾ നിറഞ്ഞ് റോഡിൽ ചിതറി കിടക്കുന്ന സ്ഥിതിയിലാണ്. റോഡരുകിൽ മാസ്കുകൾ അലക്ഷ്യമായി ഉപേക്ഷിച്ചിട്ടുമുണ്ട്.