കാൽ നൂറ്റാണ്ടിന്റെ മധുരം

തകഴി

കുരുന്നുകൾക്കായി വിളമ്പുന്ന സ്നേഹസദ്യയ്ക്ക് കാൽ നൂറ്റാണ്ടിന്റെ മധുരം. തകഴി പഞ്ചായത്തിലെ കരുമാടി കളത്തിൽപ്പാലം 116-ാം നമ്പർ അങ്കണവാടിയിലാണ്‌ 25വർഷമായി മുടങ്ങാതെ വിപുലമായ ഓണസദ്യ ഒരുക്കുന്നത്. ​അങ്കണവാടിക്ക് മുന്നിൽ കുട്ടികൾ തീർത്ത വർണാഭമായ അത്തപ്പൂക്കളത്തോടെയാണ് ആഘോഷങ്ങൾക്ക് തുടക്കമായത്. പഞ്ചായത്ത് അംഗം ആശാ ഓമനക്കുട്ടൻ ഉദ്ഘാടനംചെയ്തു.​ കരുമാടി മോഹനൻ, സുരേഷ്, ചമ്പക്കുളം രാധാകൃഷ്ണൻ, ഡോ. മനോജ്, വി ഉത്തമൻ അമ്പലപ്പുഴ, അങ്കണവാടി വർക്കർ സൽമാ ദേശായി, ശ്രീകുമാർ പുലിക്കൂട്ടിൽ, രമ തുടങ്ങിയവർ പങ്കെടുത്തു. ശിശുദിനം, ഗാന്ധിജയന്തി, ക്രിസ്മസ് തുടങ്ങിയ വിശേഷദിവസങ്ങളും നാടിന്റെ കൂട്ടായ്മയിൽ ആഘോഷിക്കാറുണ്ട്.