മായുന്നു, ജില്ലാക്കോടതി പാലം

ആലപ്പുഴ
പാലങ്ങളുടെ നഗരമാണ് ആലപ്പുഴ. കനാലുകള്‍ക്ക് കുറുകെ 12 പാലങ്ങള്‍ ഇവിടുണ്ട്. ഓരോന്നിനും വികസനത്തിന്റെ കഥയുണ്ട്. നഗരമധ്യത്തിലെ ജില്ലാക്കോടതി പാലം ചരിത്രത്തിലേക്ക്​ മറയുമ്പോൾ ആലപ്പുഴയുടെ പുതുസാധ്യതകളും പാലം കയറുകയാണ്. നഗരഹൃദയഭാഗത്ത് വാടക്കനാലിന് കുറുകെ സ്ഥിതിചെയ്യുന്ന കോടതിപ്പാലം പതിറ്റാണ്ടുകൾക്ക്​ മുമ്പ് നാടിന്റെ മുഖച്ഛായ മാറ്റിയിരുന്നു. ജില്ലാക്കോടതിയിലേക്ക്​ എത്താൻ പ്രാധന യാത്രാമാർഗം ആയതിനാലാണ്​ കോടതിപ്പാലം എന്ന പേര്​ ലഭിച്ചത്​. മന്ത്രിമാരായിരുന്ന ഡോ. തോമസ് ഐസക്കിന്റെയും ജി സുധാകരന്റെയും പരിശ്രമഫലമായി 2016 ഒക്​ടോബറിലാണ്​ പാലത്തിന്റെ നിർമാണത്തിന്​ ഭരണാനുമതി ലഭിച്ചത്​. 2021 ഫെബ്രുവരിയില്‍ കിഫ്ബി മുഖന്തരം 120.52 കോടി രൂപയുടെ സാമ്പത്തിക അനുമതിയും ലഭിച്ചു. പാലം നിർമാണത്തിന് 90 കോടിയും സ്ഥലമേറ്റെടുപ്പിനായി 20.58 കോടിയും , യൂട്ടിലിറ്റി ഷിഫ്റ്റിങ്ങിനായി 3.17 കോടിയും, പ്രവൃത്തികൾക്കായി 3.64 കോടി രൂപയും. പദ്ധതിയുടെ ഭാഗമായി പുതിയ ബോട്ടുജെട്ടി നിർമിക്കും. നിലവിലെ പാലം ഇ‍ൗ ആഴ്​ച പൊളിക്കാനാണ്​ തീരുമാനം. ചൊവ്വാഴ്​ച പാലം അടയ്​ക്കും. ചൊവ്വ, ബുധൻ ദിവസങ്ങളിൽ ഗതാഗതക്രമീകരണത്തിന്റെ ട്രയൽറൺ. വ്യാഴംമുതൽ നിയന്ത്രണം പൂർണതോതിലാക്കും. തുടർന്ന്​ പാലം പൊളിക്കും. മിനി സിവിൽസ്​റ്റേഷൻ ഭാഗത്തെ പൈലിങ്​ പൂ‍ർത്തിയാകാറായി. പതിറ്റാണ്ടോളം ഒരു ജനതയുടെ ഗതാഗതസ‍ൗകര്യത്തിൽ പ്രധാന പങ്കുണ്ടായിരുന്നു​ ​പാലമാണിത്​​. നഗരത്തിലെത്തിയ മനുഷ്യന്റെ സമയ – സാമ്പത്തിക ലാഭത്തിനും കച്ചവട – വ്യവസായ വളർച്ചയ്​-ക്കും മാനുഷിക ബന്ധങ്ങളെ പരസ്​പരം ബന്ധിപ്പിക്കാനും പാലത്തിന്​ സാധിച്ചു.