നൂറനാട് സിബിഎം ഹൈസ്കൂളിന്‌ മൂന്നാംസ്ഥാനം

ചാരുംമൂട്

മോട്ടോർ വാഹന വകുപ്പ്‌, എസ്-സിഎംഎസ് ഗ്രൂപ്പ്‌ സ്ഥാപനം, കുറ്റൂർക്കാരൻ ഗ്രൂപ്പ്‌ എന്നിവ ചേർന്ന്‌ സംഘടിപ്പിച്ച ‘സുരക്ഷിതമാർഗ് ' മത്സരത്തിൽ നൂറനാട് സി ബി എം ഹൈസ്കൂൾ മൂന്നാം സ്ഥാനം കരസ്ഥമാക്കി. റോഡ് സുരക്ഷയുടെ പ്രാധാന്യത്തെപ്പറ്റി സംസ്ഥാന വ്യാപകമായി നടത്തിവന്ന മത്സരത്തിലാണ്‌ നേട്ടം. സമ്മാനത്തുകയായ 25000 രൂപയും പ്രശസ്തിപത്രവും മന്ത്രി ഷിബു ബേബി ജോൺ സമ്മാനിച്ചു. പ്രഥമാധ്യാപിക കെ അമ്പിളി, പിടിഎ പ്രസിഡന്റ് കണ്ണൻ എസ് കലാലയം, കൺവീനർ സി വി ജയലക്ഷ്മി, സ്റ്റാഫ് സെക്രട്ടറി ടി ജെ കൃഷ്ണകുമാർ, എസ് ജയകുമാർ, എസ് രാജേഷ്, ബി ശ്രീരേഖ, ജി പി പ്രശോഭ്കൃഷ്ണൻ എന്നിവർ ഏറ്റുവാങ്ങി.