ശ്രീനാരായണ ഗുരുവിനെ 
അധിക്ഷേപിച്ചതിൽ പ്രതിഷേധം

കണിച്ചുകുളങ്ങര

ശ്രീനാരായണ ഗുരുവിനെയും എസ്എൻഡിപി യോഗത്തെയും സാമൂഹിക മാധ്യമങ്ങളിലൂടെ അധിക്ഷേപിച്ചതിനെതിരെ കണിച്ചുകുളങ്ങരയിൽ പ്രതിഷേധം. എസ്എൻഡിപി യോഗം കണിച്ചുകുളങ്ങര യൂണിയന്റെ നേതൃത്വത്തിൽ പന്തം കൊളുത്തിപ്രകടനം നടത്തി കോലം കത്തിച്ചു. ഗുരുവിനെ അധിക്ഷേപിച്ച സ്വയം തന്ത്രിയെന്ന്‌ അവകാശപ്പെടുന്ന കെ വി സുഭാഷിനെതിരെ കർശന നടപടി സ്വീകരിക്കണം എന്നാവശ്യപ്പെട്ടായിരുന്നു പ്രതിഷേധം. യൂണിയൻ വൈസ് പ്രസിഡന്റ്‌ പി കെ ധനേശൻ പൊഴിക്കൽ, സെക്രട്ടറി പി എസ് എൻ ബാബു, കൗൺസിലർമാരായ സിബി നടേഷ്, സുനീത് ബാബു, യൂത്ത് മൂവ്മെന്റ് പ്രസിഡന്റ്‌ അനിൽ ലാൽ, സെക്രട്ടറി ആര്യൻ ഹരിദാസ്, ഭാരവാഹികളായ സഞ്ജു പോക്കാട്ട്, ബിനു പുതിയവെളി, എം എസ് നടരാജൻ, സിംലാൽ, വനിതാ സംഘം ഭാരവാഹികൾ, വിവിധ ശാഖാഭാരവാഹികൾ എന്നിവർ നേതൃത്വം നൽകി.