പ്രതിഷേധയോഗം സംഘടിപ്പിച്ചു

ചാരുംമൂട്

യുവമോർച്ച ആലപ്പുഴ സ‍ൗത്ത്‌ ജില്ലാ ജനറൽസെക്രട്ടറി രാഹുൽ രാധാകൃഷ്‌ണൻ ഉൾപ്പെട്ട സ്വർണപ്പണയ തട്ടിപ്പിൽ പ്രതികളെ ഉടൻ അറസ്‌റ്റ്‌ ചെയ്യണമെന്ന് ആവശ്യപ്പെട്ട്‌ സിപിഐ എം ചുനക്കര വടക്ക് ലോക്കൽ കമ്മിറ്റി ചുനക്കര പഞ്ചായത്ത് ജങ്‌ഷനിൽ പ്രതിഷേധയോഗം സംഘടിപ്പിച്ചു. ചാരുംമൂട് ഏരിയ സെക്രട്ടറി ബി ബിനു ഉദ്ഘാടനംചെയ്‌തു. ഏരിയ കമ്മിറ്റി അംഗം പി മധു അധ്യക്ഷനായി. ലോക്കൽ സെക്രട്ടറി മനോജ് കമ്പനിവിള സ്വാഗതം പറഞ്ഞു. ചുനക്കര തെക്ക് ലോക്കൽ സെക്രട്ടറി എസ് മധുകുമാർ, ബ്ലോക്ക് പഞ്ചായത്ത് പ്രസിഡന്റ്‌ സി അനു, ചുനക്കര പഞ്ചായത്ത് പ്രസിഡന്റ്‌ എസ് ശോഭന എന്നിവർ സംസാരിച്ചു. ചുനക്കര കോമല്ലൂരും കറ്റാനം ഭരണിക്കാവ് ഇല്ലത്തുമുക്കിലും പ്രവർത്തിക്കുന്ന ശ്രീലകം ഫിനാൻസിൽ സ്വർണപ്പണയ വായ്‌പയുടെ മറവിലായിരുന്നു കോടികളുടെ വെട്ടിപ്പ്.