പ്രഭുറാം മിൽ തൊഴിലാളികളുടെ ആനുകൂല്യങ്ങൾ പുനഃസ്ഥാപിക്കണം

ചെങ്ങന്നൂർ

കോട്ട പ്രഭുറാം മിൽത്തൊഴിലാളികളുടെ മുടങ്ങിയ ആനുകൂല്യങ്ങൾ ഉടൻ പുനഃസ്ഥാപിക്കണമെന്നും 10 വർഷം പൂർത്തിയാക്കിയ കാഷ്വൽ തൊഴിലാളികളെ സ്ഥിരപ്പെടുത്തണമെന്നും പ്രഭുറാം മിൽ എംപ്ലോയീസ് യൂണിയൻ (സിഐടിയു) കൺവൻഷൻ ആവശ്യപ്പെട്ടു. കേരള സ്‌റ്റേറ്റ് ടെക്‌സ്‌റ്റൈൽ ഫെഡറേഷൻ സംസ്ഥാന സമ്മേളനത്തോടനുബന്ധിച്ച് പതാക ദിനത്തിന്റെ ഭാഗമായി നടത്തിയ കൺവൻഷൻ സിഐടിയു ഏരിയ സെക്രട്ടറി എം കെ മനോജ് കൺവൻഷൻ ഉദ്ഘാടനംചെയ്‌തു. യൂണിയൻ ട്രഷറർ ആർ രാജേഷ് അധ്യക്ഷനായി. സെക്രട്ടറി കെ ഡി പ്രദീപ്കുമാർ, ടി ഡി സിന്ധു, ഡി കെ പ്രദീപ്കുമാർ, ആരിമുത്തു, കെ മഞ്‌ജു എന്നിവർ സംസാരിച്ചു.