പൊക്ലാശ്ശേരി ഗവ. സ്‍കൂളിൽ 
വർണക്കൂടാരം

കഞ്ഞിക്കുഴി

​എസ്എസ്‌കെ സ്റ്റാർസ് ഫണ്ടുപയോഗിച്ച് പൊക്ലാശ്ശേരി ഗവ. എൽപി സ്കൂളിൽ നിർമിച്ച വർണക്കൂടാരം മന്ത്രി പി പ്രസാദ് ഉദ്ഘാടനംചെയ്‌തു. മാരാരിക്കുളം വടക്ക് പഞ്ചായത്ത് പ്രസിഡന്റ്‌ സി കെ സരള അധ്യക്ഷയായി. സ്‌കൂൾ വാർഷികം ആരവം- ജില്ലാ പഞ്ചായത്ത് സ്ഥിരംസമിതി അധ്യക്ഷൻ എസ് രാധാകൃഷ്ണൻ ഉദ്ഘാടനംചെയ്‌തു. പഞ്ചായത്ത് വൈസ് പ്രസിഡന്റ്‌ സി എച്ച് രമ്യ, കഞ്ഞിക്കുഴി ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ അനിജി, ബ്ലോക്ക് പഞ്ചായത്തംഗം മിനി ആന്റണി, ചേർത്തല ബിപിസി ടി ഒ സൽമോൻ, പ്രഥമാധ്യാപിക എസ് ടി ഗീത, പഞ്ചായത്തംഗങ്ങളായ ഇ ആർ പൊന്നപ്പൻ, സി കെ പ്രേമൻ, പിടിഎ പ്രസിഡന്റ്‌ കലേഷ് കൈരളി, കണിച്ചുകുളങ്ങര സഹകരണ ബാങ്ക് പ്രസിഡന്റ്‌ വി ആർ ദിനേശ് എന്നിവർ സംസാരിച്ചു.