പ്ലാസ്‌റ്റിക് മാലിന്യം 
ഹരിതകർമസേനയ്‌ക്ക്‌ കൈമാറി

കാർത്തികപ്പള്ളി ​

ചിങ്ങോലി സ്‌മാഷേഴ്സ് ആർട്സ് ആൻഡ് സ്‌പോർട്സ് ക്ലബ് നേതൃത്വത്തിൽ ഗാന്ധിജയന്തിയോടനുബന്ധിച്ച് പഞ്ചായത്ത് പരിസരത്തെ റോഡിന് സമീപങ്ങളിലെ പ്ലാസ്‌റ്റിക് മാലിന്യം ശേഖരിച്ച് ഹരിതകർമസേനയ്‌ക്ക്‌ കൈമാറി. ചിങ്ങോലി പഞ്ചായത്ത് പ്രസിഡന്റ് സുബി സുധാകരൻ ഉദ്ഘാടനംചെയ്‌തു. ക്ലബ് രക്ഷാധികാരി അനീഷ് എസ് ചേപ്പാട് അധ്യക്ഷനായി. പഞ്ചായത്തംഗങ്ങളായ എ എം നൗഷാദ്, മീനാകുമാരി, സരിത ജയപ്രകാശ്, ഹരിതകർമസേന പ്രതിനിധി ബീന സുരേഷ്, ക്ലബ് ഭാരവാഹികളായ ജയകൃഷ്‌ണൻ, സുജിത്, രാജീവ്, അനന്ദു എന്നിവർ സംസാരിച്ചു.