ആർ അനിലിനെ അനുസ്‌മരിച്ചു

ചാരുംമൂട്

സിപിഐ എം നേതാവും, ഡിവൈഎഫ്ഐ, കർഷകത്തൊഴിലാളി യൂണിയൻ ചാരുംമൂട് ഏരിയ കമ്മിറ്റി അംഗം എന്നീ നിലകളിൽ പ്രവർത്തിച്ച ചാരുംമൂട് പേരൂർ കാരാഴ്‌മ ആർ അനിലിന്റെ മൂന്നാമത് അനുസ്‌മരണദിനം ആചരിച്ചു. സിപിഐ എം താമരക്കുളം വടക്ക്‌ ലോക്കൽ കമ്മറ്റി രാവിലെ എട്ടിന് വീട്ടുവളപ്പിലെ സ്‌മൃതിമണ്ഡപത്തിൽ പുഷ്‌പാർച്ചന നടത്തി. അനുസ്‌മരണയോഗം സിപിഐ എം ചാരുംമൂട് ഏരിയ സെക്രട്ടറി ബി ബിനു ഉദ്‌ഘാടനംചെയ്‌തു. കെ സുരേന്ദ്രൻപിള്ള അധ്യക്ഷനായി. എസ് സുധീർ ഖാൻ, എസ് പ്രശാന്ത്, ആർ ബിനു, ബി തുളസിദാസ്, കെ ജി മനോജ്കുമാർ എന്നിവർ സംസാരിച്ചു.