ദേശീയ കായികദിനം ആചരിച്ചു

ആലപ്പുഴ ​

ജില്ല സ്‌പോർട്‌സ്‌ കൗൺസിൽ നേതൃത്വത്തിൽ ദേശീയ കായിക ദിനം ആചരിച്ചു. പ്രസിഡന്റ്‌ വി ജി വിഷ്ണു കായിക മത്സരങ്ങൾ ഉദ്ഘാടനം ചെയ്തു. വൈസ് പ്രസിഡന്റ് കുര്യൻ ജെയിംസ് അധ്യക്ഷനായി. സെക്രട്ടറി ടി പി റോയ് , ബാസ്‌കറ്റ്ബോൾ അസോസിയേഷൻ ഭാരവാഹികളായ റോണി മാത്യു, ഷഹബാസ്, രശ്മി, എ ഡി ജയൻ, ജോൺ എന്നിവർ സംസാരിച്ചു. ജില്ലാ ബാസ്‌കറ്റ്ബോൾ അസോസിയേഷൻ നേതൃത്വത്തിൽ എ ഡി ബി സ്റ്റേഡിയത്തിൽ ബാസ്‌കറ്റ്ബോൾ മത്സരം നടന്നു. രാജ കേശവദാസ് നീന്തൽ കുളത്തിൽ നടന്ന നീന്തൽ മത്സരം കുര്യൻ ജെയിംസ് ഫ്ലാഗ് ഓഫ് ചെയ്തു.