വികസനക്കുതിപ്പിന്‌ എൻഐടിയുമായി കൈകോർത്ത്‌ നഗരസഭ

ചേർത്തല

നഗരസഭയുടെ സമഗ്രവികസനത്തിനും സുസ്ഥിര നഗരാസൂത്രണത്തിനും ഊന്നലുമായി കോഴിക്കോട് നാഷണൽ ഇൻസ്‌റ്റിറ്റ്യൂട്ട് ഓഫ് ടെക്‌നോളജിയിലെ (എൻഐടി) അർബൻ പ്ലാനിങ് ആൻഡ് ഡിസൈൻ സെന്റർ ഓഫ് എക്‌സലൻസുമായി നഗരസഭ ധാരണപത്രം ഒപ്പുവച്ചു. ​നഗരസഭാധ്യക്ഷൻ എസ് സോബിൻ അധ്യക്ഷനായി. സെക്രട്ടറി ടി കെ സുജിത് സ്വാഗതവും ഉപാധ്യക്ഷ എൻ എൽ വത്സലകുമാരി നന്ദിയും പറഞ്ഞു. മൊബിലിറ്റി ഹബ് വികസനവും ഗതാഗതനവീകരണം, ടി ബി കനാൽ – മണികണ്ഠനാർ ടൂറിസം, ഗവ. ബോയ്സ് ഹൈസ്‌കൂൾ മാസ്‌റ്റർപ്ലാൻ, വെള്ളക്കെട്ട് തടയാനുള്ള ശാസ്‌ത്രീയ പദ്ധതി, എ എസ് കനാൽ പുനരുദ്ധാരണവും നവീകരണം എന്നിവയാണ്‌ ലക്ഷ്യം. ഡോ. കെ ചിത്ര, ഡോ. പി ബിമൽ, ഡോ. പി കെ അമൃത, ഡോ. സനിൽകുമാർ എന്നിവരുൾപ്പെട്ട സംഘം പദ്ധതി വിശദീകരിച്ചു.‌

ഹരിതകർമസേനയ്‌ക്ക്‌ ഡിജിറ്റൽ കരുതൽ ​

ഹരിതകർമസേനാംഗങ്ങളുടെ ആരോഗ്യ സംരക്ഷണത്തിന്‌ തയ്യാറാക്കിയ പ്രത്യേക മൊബൈൽ ആപ്ലിക്കേഷന്റെ അവതരണം അനൂപ് പ്രഭു നടത്തി. നഗരവികസനത്തിൽ സാങ്കേതിക സഹായങ്ങൾ നൽകുന്ന ‘ക്യൂ ഫോറം' പ്രവർത്തകർ പങ്കെടുത്തു. ​സ്ഥിരംസമിതി അധ്യക്ഷരായ എസ് സനീഷ്, അഥീന രാജു, ടോമി എബ്രഹാം, ബീന അജി, ധന്യ ജയദേവൻ, കൗൺസിലർമാരായ കെ സി ആന്റണി, അഡ്വ. സി ഡി ശങ്കർ, ബി ഭാസി, വി എ സുരേഷ്‌കുമാർ, ഡി ഷാജി, എൻജിനിയർ പി ആർ മായാദേവി എന്നിവർ പങ്കെടുത്തു.