ഡിവൈഎഫ്ഐ പ്രതിഷേധിച്ചു

ചെങ്ങന്നൂർ

ലോകകപ്പ് മത്സരസമയത്ത് ലോഡ് ഷെഡിങ് ഏർപ്പെടുത്തി ഫുട്ബോൾ പ്രേമികളെ വഞ്ചിക്കുന്ന യുഡിഎഫ് സർക്കാർ നടപടിക്കെതിരെ ഡിവൈഎഫ്ഐ പ്രതിഷേധിച്ചു. ചെങ്ങന്നൂർ കെഎസ്ഇബി ഓഫീസിന് മുന്നിൽ ബ്ലോക്ക്‌ കമ്മിറ്റി പ്രകടനവും യോഗവും സംഘടിപ്പിച്ചു. സമരം ബ്ലോക്ക് സെക്രട്ടറി എം സുമേഷ് ഉദ്ഘാടനംചെയ്‌തു. ബ്ലോക്ക് പ്രസിഡന്റ് സനൂപ് ശിവരാമൻ അധ്യക്ഷനായി. വിനോദ്കുമാർ, സെൽവൻ സി മാത്യു, അനു സോളമൻ, സുരാജ്‌, അരുൺ കിഴക്കേമല, മാത്യു, സുഗലാൽ, അക്ഷയ് ഹരി, റോഷൻ മാത്യു, കെ എസ് അഭിജിത്ത് എന്നിവർ സംസാരിച്ചു.