ഗ്രന്ഥശാലാ വാർഷികം

കാർത്തികപ്പള്ളി

മുട്ടം കണിച്ചനല്ലൂർ ഇ എം എസ് ഗ്രന്ഥശാല ഒന്നാംവാർഷികവും ലഹരിവിരുദ്ധ ക്ലാസും അനുമോദനവും സംഘടിപ്പിച്ചു. കണിച്ചനല്ലൂർ എൻഎസ്എസ് ഓഡിറ്റോറിയത്തിൽ ഞായർ രാവിലെ 9.30ന് ജില്ലാ ലൈബ്രറി കൗൺസിൽ സെക്രട്ടറി ടി തിലകരാജ് ഉദ്ഘാടനംചെയ്​തു. ഗ്രന്ഥശാലാ പ്രസിഡന്റ് എം ഡി രാജു അധ്യക്ഷനായി. എസ്​ഐ നിസാർ പൊന്നാരത്ത് ലഹരിവിരുദ്ധ ബോധവൽക്കരണ ക്ലാസെടുത്തു. കവിയും ചിത്രകാരനുമായ ശരത്ചന്ദ്രലാലിനെ ചടങ്ങിൽ ആദരിച്ചു. ഉപഹാര സമർപ്പണവും വിദ്യാർഥികൾക്ക്​ അനുമോദനവും മുതുകുളം ബ്ലോക്ക് പഞ്ചായത്ത് വൈസ്​പ്രസിഡന്റ് ജി ഉണ്ണികൃഷ്​ണൻ നടത്തി. ഗ്രന്ഥശാലാ സെക്രട്ടറി ഗോപാലകൃഷ്​ണൻ കരി​ക്കാട്ട്, ചേപ്പാട് പഞ്ചായത്ത് അംഗങ്ങളായ ഐ തമ്പി, ഷൈനി ഷാജി, ആർ വിജയകുമാർ, വിഷ്​ണു ശശീന്ദ്രൻ, ലൈബ്രേറിയൻ കെ എസ് സുജാത എന്നിവർ സംസാരിച്ചു.