കെജിഒഎ സെമിനാർ സംഘടിപ്പിച്ചു

തകഴി

കെജിഒഎ കുട്ടനാട് ഏരിയ സമ്മേളനത്തോടനുബന്ധിച്ച് മങ്കൊമ്പ് ജങ്‌ഷനിൽ സംഘടിപ്പിച്ച സെമിനാർ ജില്ലാ പഞ്ചായത്ത് പ്രസിഡന്റ് എ മഹേന്ദ്രൻ ഉദ്ഘാടനംചെയ്‌തു. സിഐടിയു തകഴി ഏരിയ പ്രസിഡന്റ് കെ എസ് അനിൽകുമാർ ‘കാർഷിക മേഖല: കേന്ദ്രനയങ്ങളുടെ തിരിച്ചടികളും സംസ്ഥാനത്തിന്റെ കരുതലും' എന്ന വിഷയമവതരിപ്പിച്ചു. സ്വാഗതസംഘം ചെയർമാൻ കെ ജി അരുൺകുമാർ അധ്യക്ഷനായി. ​ കെജിഒഎ ഏരിയ പ്രസിഡന്റ് വൃന്ദമ്മ, ജില്ലാ കമ്മിറ്റി അംഗം നിമ്മി, എൻജിഒ യൂണിയൻ സംസ്ഥാന കമ്മിറ്റി അംഗം ബൈജു പ്രസാദ്, മഹിളാ അസോസിയേഷൻ ഏരിയ ജോയിന്റ് സെക്രട്ടറി രജനി അജിത്കുമാർ, ദേവദത്ത് ഡി ദാസ് എന്നിവർ സംസാരിച്ചു.