മുത്തശ്ശൻ മുത്തശ്ശി ദിനം 
ഗ്രാൻഡാക്കി കുട്ടികൾ

മണ്ണഞ്ചേരി

മുത്തച്ഛൻ –മുത്തശ്ശി ദിനത്തിൽ പൊന്നാട് അൽഹിദായ പബ്ലിക് സ്കൂളിൽ ഇവരുടെ സംഗമം ഒരുക്കി. സ്‌കൂളിലെ വിദ്യാർഥികളുടെ മുത്തച്ഛൻമാരെയും മുത്തശ്ശിമാരെയും ഒരുമിച്ച് പങ്കെടുപ്പിച്ചാണ് സ്‌നേഹവും ഓർമകളും നിറഞ്ഞൊരു സുന്ദരദിനമാക്കി ആഘോഷിച്ചത്. ​മുത്തശി – മുത്തശ്ശന്മാർ തങ്ങളുടെ ജീവിതാനുഭവങ്ങളും കഴിവുകളും കുട്ടികളുമായി പങ്കുവച്ചതോടൊപ്പം വിനോദകരമായ കളികളിലും ആവേശത്തോടെ പങ്കെടുത്തു. കുട്ടികൾ തയ്യാറാക്കിയ ആശംസാ കാർഡുകൾ ഇവർക്ക് സമ്മാനിച്ചു. എഴുപതുകളിലെ മധുരപലഹാരങ്ങൾ തനിമ നഷ്‌ടപ്പെടാതെ ഒരുക്കിയ “മധുര പീടിക”യും ശ്രദ്ധേയമായി. സംഗമം ചെയർമാൻ എ മുഹമ്മദ്കുഞ്ഞ് ഉദ്ഘാടനംചെയ്തു. പിടിഎ പ്രസിഡന്റ്‌ തൻസിൽ അധ്യക്ഷനായി. മാനേജർ ആസിഫ് അലി, പ്രിൻസിപ്പൽ ജെനി ജോൺ, ഷാജി റെഡ്‌മാർക്ക്, സജ്ന, റോഷി, നൗറിൻ, പ്രൈമറി കോ–ഓർഡിനേറ്റർ പാർവതി രാധാകൃഷ്‌ണൻ, വിദ്യാർഥികളായ സിദാൻ മുഹമ്മദ്, ഫാത്തിമത്ത്‌ റസാന എന്നിവർ സംസാരിച്ചു.