ഗിഫ്റ്റഡ് ചിൽഡ്രൻ പ്രവർത്തനം തുടങ്ങി

തകഴി

കുട്ടനാട് വിദ്യാഭ്യാസ ജില്ലയുടെ 2026-–27 അക്കാദമിക വർഷത്തെ ഗിഫ്റ്റഡ് ചിൽഡ്രൻ പ്രവർത്തനങ്ങൾക്ക് തുടക്കമായി. എൻഎസ്എച്ച്എസ്എസ് നെടുമുടിയിൽ നടന്ന ചടങ്ങിൽ നെടുമുടി പഞ്ചായത്ത് പ്രസിഡന്റ് പി കെ വിനോദ് ഉദ്ഘാടനം ചെയ്‌തു. ​കുട്ടനാട് വിദ്യാഭ്യാസ ജില്ലാ ഓഫീസർ ഇൻ ചാർജ് അനുപമ അധ്യക്ഷയായി. വിദ്യാർഥികൾക്കായി "ഭക്ഷ്യസുരക്ഷ", "അടിസ്ഥാന മലയാള ഭാഷാശാസ്ത്രം’ എന്നീ വിഷയങ്ങളിൽ സർഗശാലയും സംഘടിപ്പിച്ചു. ​കുട്ടനാട് ഗിഫ്റ്റഡ് ചിൽഡ്രൻ കോ–ഓർഡിനേറ്റർ ശാരിക ബാബു, ആലപ്പുഴ ഡയറ്റ് ലക്ചറർ വിഭു നാരായണൻ, പ്രധാനാധ്യാപകൻ ഗോപകുമാർ, മാനേജർ ഡോ. ഗോപകുമാർ, ശിവാനിക എന്നിവർ സംസാരിച്ചു.