ഡിജിറ്റൽ ഹെർബേറിയം പ്രകാശിപ്പിച്ചു

ചേർത്തല
ശ്രീനാരായണ കോളേജ് സസ്യശാസ്‌ത്രവകുപ്പ് വികസിപ്പിച്ച ഡിജിറ്റൽ ഹെർബേറിയം എന്നപേരിലെ വെബ്സൈറ്റ്‌ സൈബർ ലോകത്തിന്‌ സമർപ്പിച്ചു. ബിരുദാനന്തരബിരുദ വിദ്യാർഥികളായ അനീഷയുടെയും ആമിനയുടെയും സഹകരണത്തോടെ അസോസിയറ്റ് പ്രൊഫസർ ഡോ. സി ബി നിലീന വികസിപ്പിച്ചതാണ്‌ ഡിജിറ്റൽ ഹെർബേറിയം. ​സസ്യവൈവിധ്യം സമഗ്രവും ശാസ്‌ത്രീയവുമായി രേഖപ്പെടുത്താനും പഠന-ഗവേഷണ പ്രവർത്തനങ്ങൾക്ക്‌ പ്രയോജനപ്പെടുത്താനും ജൈവവൈവിധ്യ സംരക്ഷണാവബോധം പകരാനും ലക്ഷ്യമാക്കിയാണ്‌ വെബ്‌സൈറ്റ്‌. പ്രിൻസിപ്പൽ ഡോ. ടി വി ഉഷാദേവി പ്രകാശിപ്പിച്ചു. ​വെബ്സൈറ്റ് രൂപീകരണം, സവിശേഷത, പ്രയോജനം എന്നിവ നിർമാണ പങ്കാളികൾ അനീഷയും ആമിനയും വിശദീകരിച്ചു. ഡോ. സി ബി നിലീന സ്വാഗതവും സസ്യശാസ്‌ത്ര വിഭാഗം മേധാവി ഡോ. വിനോദ് ഹരിദാസ് നന്ദിയും പറഞ്ഞു.