ജനദ്രോഹ നയങ്ങൾക്കെതിരെ 
സിപിഐ എം ധർണ

ഹരിപ്പാട്

തദ്ദേശസ്വയംഭരണ സ്ഥാപനങ്ങളുടെ പദ്ധതിവിഹിതം വെട്ടിക്കുറയ്‌ക്കുകയും ക്ഷേമപദ്ധതികൾക്ക് തുരങ്കംവയ്‌ക്കുകയും ചെയ്യുന്ന യുഡിഎഫ് സർക്കാരിന്റെ ജനദ്രോഹ നടപടികൾക്കെതിരെ സിപിഐ എം കുമാരപുരം സൗത്ത്, -നോർത്ത് ലോക്കൽ കമ്മിറ്റികളുടെ നേതൃത്വത്തിൽ ജനകീയ ധർണ സംഘടിപ്പിച്ചു. ജില്ലാ സെക്രട്ടറിയറ്റ് അംഗം എം സത്യപാലൻ ഉദ്ഘാടനംചെയ്‌തു. നോർത്ത് ലോക്കൽ സെക്രട്ടറി ആർ രതീഷ് അധ്യക്ഷനായി. ഏരിയ സെക്രട്ടറി സി പ്രസാദ്, സൗത്ത് ലോക്കൽ സെക്രട്ടറി ടി എം ഗോപിനാഥൻ, ഡിവൈഎഫ്ഐ സംസ്ഥാന കമ്മിറ്റി അംഗം എസ്‌ സുരേഷ്‌കുമാർ, കുമാരപുരം പഞ്ചായത്ത്‌ പ്രസിഡന്റ്‌ ആശ രാമചന്ദ്രൻ, കർഷകസംഘം ഏരിയ സെക്രട്ടറി സി എസ് രഞ്‌ജിത്ത്, എ ഷെമീർ എന്നിവർ സംസാരിച്ചു.