കുട്ടി പൊലീസിന് സല്യൂട്ട്

മുഹമ്മ

ജില്ലാ സ്വാതന്ത്ര്യദിന പരേഡിൽ മികച്ചപ്രകടനം കാഴ-്‌ചവച്ച മുഹമ്മ എ ബി വിലാസം എച്ച്എസ് എസിലെ സ്റ്റുഡന്റ്സ് പൊലീസ് കേഡറ്റുകളെ അനുമോദിച്ചു. എസ-്‌പിസി യൂണിറ്റുകളുള്ള 72 സ-്‌കൂളിൽ നിന്നും ആൺകുട്ടികളുടെ പ്ലാറ്റൂണിലേക്ക് തെരഞ്ഞെടുത്തത് എബി വിലാസം സ-്‌കൂൾ യൂണിറ്റിനെയാണ്. പ്രിയദർശ് പി ലാൽ പരേഡ് നയിച്ചു. സംസ്ഥാനത്ത് ആദ്യമായി എയ്‌ഡഡ് വിദ്യാലയത്തിൽ എസ-്‌പിസി യൂണിറ്റ് അനുവദിച്ചു കിട്ടിയ സ-്‌കൂൾ കൂടിയാണിത്. മുഹമ്മ പൊലീസ് സ്റ്റേഷൻ എസ്എച്ച്ഒ ലൈസാദ് മുഹമ്മദ്‌, ഡ്രിൽ ഇൻസ്‌ട്രക-്‌ടർമാരായ എഎസ്ഐ ഇൻസാർ പറമ്പൻ, എൽ ശ്രീലത എന്നിവരാണ് കേഡറ്റുകൾക്ക് പരിശീലനം നൽകുന്നത്. അധ്യാപകരായ പി ആർ അശ്വതി, ബി ബിബിൻ ബാബു എന്നിവരാണ് എസ-്‌പിസി യൂണിറ്റിന്റെ ചുമതല വഹിക്കുന്നത്. ​മുഹമ്മ പൊലീസ് സ്റ്റേഷനിലും സ-്‌കൂളിലും കേഡറ്റുകളെ അനുമോദിച്ചു. സ-്‌കൂളിൽ ചേർന്ന അനുമോദന ചടങ്ങിൽ എസ്എച്ച്ഒ ലൈസാദ് മുഹമ്മദ്‌ കേഡറ്റുകൾക്ക് മധുരം വിതരണംചെയ്‌തു. പിടിഎ പ്രസിഡന്റ് കെ എസ് ലാലിച്ചൻ അധ്യക്ഷനായി. എസ്ഐ മനോജ്‌, എഎസ്ഐ ഇൻസാർ പറമ്പൻ, പ്രിൻസിപ്പൽ ബിജോ കെ കുഞ്ചെറിയ, പ്രധാനാധ്യാപിക നിഷ ദയാനന്ദൻ എന്നിവർ സംസാരിച്ചു.