പക്ഷിപ്പനി മുൻകരുതൽ: നിവേദനം നൽകി

കായംകുളം

തുടർച്ചയായുണ്ടാകുന്ന പക്ഷിപ്പനി വ്യാപനത്തിന് ശാശ്വത പരിഹാരം കാണണമെന്നും പ്രതിരോധം ശക്തമാക്കണമെന്നും ആവശ്യപ്പെട്ട് ഓൾ കേരള പൗൾട്രി ഫെഡറേഷൻ ഭാരവാഹികൾ കലക്‌ടർക്ക് നിവേദനം നൽകി. ആഗസ്‌ത്‌, സെപ്റ്റംബർ മാസങ്ങളിൽ ദേശാടനപ്പക്ഷികൾ എത്തുന്നതോടെയാണ് രോഗബാധ രൂക്ഷമാകുന്നത്. ഈ ഘട്ടത്തിൽ നിരീക്ഷണം കർശനമാക്കണം. നിയന്ത്രണങ്ങൾ മുൻകൂട്ടി ഏർപ്പെടുത്തണമെന്നും നിവേദനത്തിൽ ആവശ്യപ്പെടുന്നു. സംസ്ഥാന പ്രസിഡന്റ് താജുദ്ദീൻ, ജനറൽ സെക്രട്ടറി എസ് കെ നസീർ, ട്രഷറർ ആർ രവീന്ദ്രൻ എന്നിവരാണ് നിവേദനം സമർപ്പിച്ചത്.