ഓട്ടത്തിനിടെ കാറിന്‌ തീപിടിച്ചു

മാന്നാർ
ഓടിക്കൊണ്ടിരുന്ന കാറിന് തീപിടിച്ചു. തട്ടാരമ്പലം മാന്നാർ സംസ്ഥാന പാതയിൽ ചെന്നിത്തല തൃപ്പെരുന്തുറ ആറാട്ടുമുക്കിന് സമീപത്താണ് കാറിന് തീപിടിച്ചത്. യാത്രക്കാരായ നാല് പേർ അത്ഭുതകരമായി രക്ഷപ്പെട്ടു. തിങ്കൾ രാത്രി 10.45നാണ് സംഭവം. മാവേലിക്കര ചെട്ടികുളങ്ങര സ്വദേശിയുടെ കാറാണ് കത്തിയത്. ​കാറിൽ നിന്നും പുക ഉയരുന്നത് കണ്ട് യാത്രക്കാർ പെട്ടെന്ന് തന്നെ പുറത്തിറങ്ങി അടുത്തുള്ള വീട്ടിലേക്ക് ഓടി മാറി. മാവേലിക്കരയിൽ നിന്നെത്തിയ അഗ്നിരക്ഷാസേന തീ അണച്ചു. ​