എസ്എൻഡിപി യൂണിയൻ ശാഖാനേതൃസംഗമം

കാർത്തികപ്പള്ളി

എസ്എൻഡിപി യൂണിയൻ ശാഖാനേതൃസംഗമം യോഗം ജനറൽസെക്രട്ടറി വെള്ളാപ്പള്ളി നടേശൻ ഉദ്ഘാടനംചെയ്​തു. ജാതിവ്യവസ്ഥ നിലനിൽക്കുന്ന നാട്ടിൽ ജാതി പറയുന്നതിൽ എന്താണ് തെറ്റെന്ന്​ വെള്ളാപ്പള്ളി ചോദിച്ചു. സമ്പത്തും വ്യവസായവും ഭൂമിയും വിദ്യാഭ്യാസവുമെല്ലാം ന്യൂനപക്ഷമാണെന്ന് പറയുന്നവർ കൈയാളുകയാണ്. നിലയ്​ക്കലിൽ പള്ളിക്കായി പ്രമേയം പാസാക്കുകയും ബാബറിമസ്ജിദ് തകർത്തതിനെതിരെ തെരുവിലിറങ്ങുകയുംചെയ്​ത സമുദായമാണിത്. എന്നാൽ പൊലീസ് ശിവഗിരി തല്ലിത്തകർത്തപ്പോൾ ഒപ്പംനിൽക്കാൻ ആരെയും കണ്ടില്ലെന്നും വെള്ളാപ്പള്ളി പറഞ്ഞു. അഡ്വ. ആർ രാജേഷ് ചന്ദ്രൻ സ്വാഗതവും കെ അശോകപ്പണിക്കർ നന്ദിയും പറഞ്ഞു. യോഗം വൈസ്​പ്രസിഡന്റ് തുഷാർ വെള്ളാപ്പള്ളി സംഘടനാവിശദീകരണം നടത്തി. ദേവസ്വം സെക്രട്ടറി അരയാക്കണ്ടി സന്തോഷ് മുഖ്യപ്രഭാഷണം നടത്തി.