പെല്ലത്ത് ശ്രീധരൻപിള്ളയെ അനുസ്‌മരിച്ചു

​ചാരുംമൂട്

സ്വാതന്ത്ര്യസമരസേനാനി, ചുനക്കര പഞ്ചായത്ത് പ്രസിഡന്റ്‌, സിപിഐ എം ചാരുംമൂട് ഏരിയ കമ്മിറ്റി അംഗം എന്നീ നിലകളിൽ പ്രവർത്തിച്ച പെല്ലത്ത് ശ്രീധരൻപിള്ളയുടെ 19–-ാമത് അനുസ്‌മരണ ദിനം സിപിഐ എം ചുനക്കര തെക്ക് ലോക്കൽ കമ്മിറ്റി ആചരിച്ചു. രാവിലെ എട്ടിന് സ്‌മൃതിമണ്ഡപത്തിൽ പുഷ്‌പാർച്ചനയും തുടർന്ന് അനുസ്‌മരണ സമ്മേളനവും നടന്നു. അനുസ്‌മരണ സമ്മേളനം സിപിഐ എം ചാരുംമൂട് ഏരിയ സെക്രട്ടറി ബി ബിനു ഉദ്ഘാടനംചെയ്‌തു. ഒ സജികുമാർ അധ്യക്ഷനായി. ജി രാജമ്മ, എസ് രാമകൃഷ്‌ണൻ, പി മധു, മനോജ് കമ്പനിവിള എന്നിവർ സംസാരിച്ചു.