"പവിഴമല്ലിയുടെ പ്രണയഗീതങ്ങൾ' പ്രകാശിപ്പിച്ചു

കാർത്തികപ്പള്ളി

ശ്രീകുമാരി രചിച്ച "പവിഴമല്ലിയുടെ പ്രണയഗീതങ്ങൾ' എന്ന കവിതാസമാഹാരം മുൻ ഡിജിപി ഡോ. ജേക്കബ് തോമസ് കവി കുരീപ്പുഴ ശ്രീകുമാറിന്​ നൽകി പ്രകാശിപ്പിച്ചു. സാഹിത്യസമ്മേളനത്തിൽ ചേപ്പാട് രാജേന്ദ്രൻ അധ്യക്ഷനായി. കെ കെ സുധാകരൻ, ഡോ. സജിത്ത് ഏവൂരേത്ത്, സുരേഷ് മണ്ണാറശാല, രഞ്​ജിത്ത്, വി രജനീഷ്, കെ ലത എന്നിവർ സംസാരിച്ചു. വാദ്യകലാകാരൻ സോമരാജന്റെ നേതൃത്വത്തിൽ കേളികൊട്ടും, കരുവാറ്റ പങ്കജാക്ഷന്റെ നേതൃത്വത്തിൽ കവിയരങ്ങും നടന്നു. നങ്ങ്യാർകുളങ്ങര ടികെഎംഎം കോളേജിലെ 1981–-83 പ്രീഡിഗ്രി ബാച്ചിലെ പൂർവവിദ്യാർഥി യൂണിയനാണ് പരിപാടി സംഘടിപ്പിച്ചത്.