മത്സ്യബന്ധനത്തിനിടെ കണ്ടെയ്നറിൽ 
കുടുങ്ങി 
വല നഷ്​ടപ്പെട്ടു

ഹരിപ്പാട്​

മത്സ്യബന്ധനത്തിനിടെ കടലിലെ കണ്ടെയ്നറിൽ ഉടക്കി വലയും അനുബന്ധ സാധനങ്ങളും നഷ്​ടപ്പെട്ടു. കഴ പതിയാങ്കര മുടിശേരി ജനകന്റെ ഉടമസ്ഥതയിലുള്ള ‘അറുമുഖ സ്വാമി’ എന്ന ലൈലാൻഡ് വള്ളത്തിലെ വലയാണ് നഷ്​ടപ്പെട്ടത്. തിങ്കൾ രാവിലെ എട്ടോടെ കായംകുളം മത്സ്യബന്ധന തുറമുഖത്തിന് പടിഞ്ഞാറായിരുന്നു സംഭവം. മത്സ്യക്കൂട്ടത്തെ കണ്ട്​ വല വളഞ്ഞ്​ വള്ളത്തിലേക്ക് വലിച്ചുകയറ്റുന്നതിനിടെ വലയുടെ പകുതിയോളം വരുന്ന ഭാഗങ്ങൾ ഭാരമേറിയ കണ്ടെയ്നറിൽ തട്ടി കീറുകയായിരുന്നു.