കാർഗിൽ വിജയദിനം ആചരിച്ചു

ചാരുംമൂട്

നൂറനാട് ഉളവുക്കാട് ധീരജവാൻ സുജിത് ബാബു ശൗര്യചക്ര സ്​മൃതി മണ്ഡപത്തിൽ സ്​മാരക ട്രസ്റ്റ്​ കാർഗിൽ വിജയ് ദിവസ് ആചരിച്ചു. കേരള സ്റ്റേറ്റ് എക്​സ്​ സർവീസ് ലീഗ് പാലമേൽ, നൂറനാട്, വള്ളികുന്നം, താമരക്കുളം യൂണിറ്റുകളും ഇഎംഇ എക്​സ്​ സർവീസ് അസോസിയേഷൻ അംഗങ്ങളും പങ്കെടുത്തു. സ്​മാരക ട്രസ്റ്റ്‌ പ്രസിഡന്റ്​ സി ജെ അജിത് അധ്യക്ഷനായി. എക്​സ്​ സർവീസസ് ലീഗ്‌ ചുനക്കര പ്രൈമറി യൂണിറ്റിൽ കാർഗിൽ വിജയദിവസ് ആഘോഷം സംഘടിപ്പിച്ചു. പ്രസിഡന്റ്‌ അനിൽകുമാർ ഉദ്​ഘാടനംചെയ്​തു. കാർഗിൽ യുദ്ധത്തിൽ പങ്കെടുത്ത അനിൽകുമാർ, സോമൻ എന്നീ വിമുക്തഭടന്മാരെ ആദരിച്ചു. യുദ്ധത്തിൽ വീരമൃത്യു വരിച്ച സൈനികരെ അനുസ്​മരിച്ച്​ പുഷ്​പാർച്ചന നടത്തി. റാലിയും നടന്നു. സെക്രട്ടറി അജയകുമാർ, ട്രഷറർ വിജയകുമാർ, സോമൻ, ഗോപിനാഥൻപിള്ള, വനിതാവിഭാഗം പ്രസിഡന്റ്‌ ലീലമ്മ, നാസറുദ്ദിൻ പേരാപ്പിൽ എന്നിവർ സംസാരിച്ചു. നൂറനാട് പടനിലം ഹയർസെക്കൻഡറി സ്​കൂളിൽ സോഷ്യൽ സയൻസ് ക്ലബ്ബും എസ്​പിസിയും ചേർന്ന്​ കാർഗിൽ വിജയ് ദിവസം ആചരിച്ചു. സ്​കൂൾ മാനേജർ പി അശോകൻനായർ ഉദ്ഘാടനംചെയ്​തു. പിടിഎ പ്രസിഡന്റ്​ ശ്രീകുമാർ അധ്യക്ഷനായി. കാർഗിൽ യുദ്ധത്തിൽ പങ്കെടുത്ത ധീരജവാൻ ദിലീപിനെ ആദരിച്ചു. ദിലീപ് യുദ്ധ അനുഭവങ്ങൾ കുട്ടികളുമായി പങ്കുവച്ചു. പ്രഥമാധ്യാപിക ജി എസ് ശ്രീകല, എസ് ദീപ, സോഷ്യൽ സയൻസ്​​ കൺവീനർ എം ശ്രീനാഥ്, എസ്​പിസി സിപിഒമാരായ എസ് അരവിന്ദ്, വി ബിജിത എന്നിവർ സംസാരിച്ചു.