ഡിവൈഎഫ്ഐ കാൽനടജാഥ

ചെങ്ങന്നൂർ
സ്വാതന്ത്ര്യദിനത്തിൽ ഡിവൈഎഫ്ഐ ബ്ലോക്ക് തലത്തിൽ സംഘടിപ്പിക്കുന്ന സമരസംഗമത്തിന്റെ പ്രചാരണാർഥം മുളക്കുഴ പഞ്ചായത്ത് കമ്മിറ്റി പ്രചാരണ കാൽനടജാഥ സംഘടിപ്പിച്ചു. ബ്ലോക്ക് സെക്രട്ടറി എം സുമേഷ് ക്യാപ്റ്റനായ ജാഥ കാരയ്‌ക്കാട്ടുനിന്ന്‌ ആരംഭിച്ചു. ജില്ലാ വൈസ്‌പ്രസിഡന്റ്‌ പി എ അൻവർ ഫ്ലാഗ് ഓഫ് ചെയ്‌തു. സൂരജ് അമ്പാടി അധ്യക്ഷനായി. ജാഥ പിരളശേരി ജങ്ഷനിൽ സമാപിച്ചു. വൈസ്‌ക്യാപ്റ്റൻ അഭിരാമി, മാനേജർ സെൽവിൻ സി മാത്യു, അക്ഷയ് ഹരി, സുരാജ് അമ്പാടി, സോനു പി കുരുവിള, അശ്വിൻ, ഇ ടി അനിൽകുമാർ, കെ എസ് ഷിജു, പി ആർ വിജയകുമാർ, അനിതകുമാരി, ടി അനു, മഞ്‌ജു എന്നിവർ സംസാരിച്ചു.