സംഭാവന കൗണ്ടർ ഒരുക്കി

ചാരുംമൂട്

ചുനക്കര തിരുവൈരൂർ ശ്രീ മഹാദേവർ ക്ഷേത്രത്തിലെ പൊന്നിൻ കൊടിമര സമർപ്പണ ധനസമാഹരണത്തിന്റെ ഭാഗമായി ക്ഷേത്രത്തിൽ സംഭാവന കൗണ്ടർ സജ്ജീകരിച്ചു. ക്ഷേത്രം മേൽശാന്തി പരമേശ്വരൻനമ്പൂതിരി ഭദ്രദീപം തെളിച്ച് ഉദ്ഘാടനംചെയ്​തു. ക്ഷേത്ര ഭരണസമിതി പ്രസിഡന്റ്​ യു അനിൽകുമാർ, സെക്രട്ടറി ആർ സുരേഷ്​കുമാർ, വൈസ്​പ്രസിഡന്റുമാരായ ബാലകൃഷ്​ണപിള്ള, എ ജി അരുൺ, സഹദേവൻനായർ, ജോയിന്റ്​ സെക്രട്ടറിമാരായ സി വി രാജീവ്, എസ് സനിൽകുമാർ, കെ കോമളൻ എന്നിവർ പങ്കെടുത്തു. 10 മുതൽ 16 വരെ ക്ഷേത്രത്തിൽ നടക്കുന്ന മഹാമൃത്യുഞ്​ജയ ഹോമം, 27ന് നടക്കുന്ന മഹാഗണപതി ഹോമം എന്നിവയുടെ വഴിപാട് രസീത് കൗണ്ടറും ആരംഭിച്ചിട്ടുണ്ട്.