വിജയികളെ അനുമോദിച്ചു

ഹരിപ്പാട്

കരുവാറ്റ യുവധാര പബ്ലിക് ലൈബ്രറി എസ്എസ്എൽസി, പ്ലസ-്‌ടു, പിഎസ-്‌സി പരീക്ഷകളിൽ ഉന്നതവിജയം നേടിയവരെ അനുമോദിച്ചു. പിഎസ-്‌സി പരീക്ഷയിൽ രണ്ടും ഒന്പതും റാങ്ക് നേടി ജോലിയിൽ പ്രവേശിച്ച പവിത്ര എസ് കുമാർ, മനു മനോഹർ എന്നിവരെയും അദ്വൈത് ആറിനെയുമാണ് അനുമോദിച്ചത്. താലൂക്ക് ലൈബ്രറി കൗൺസിൽ സെക്രട്ടറി സി എൻ എൻ നമ്പി ഉദ്ഘാടനംചെയ-്‌തു. ലൈബ്രറി പ്രസിഡന്റ്‌ സനൽ മുഹമ്മദ് അധ്യക്ഷനായി. ​ കരുവാറ്റ പഞ്ചായത്ത് പ്രസിഡന്റ്‌ ശ്രീലേഖ മനു കുട്ടികളെ അനുമോദിച്ചു. ​സർവീസിൽനിന്ന് വിരമിച്ച പഞ്ചായത്ത് ജീവനക്കാരനായ ഭാസുരാംഗനെ പഞ്ചായത്ത് മുൻ പ്രസിഡന്റ്‌ കെ രംഗനാഥക്കുറുപ്പ് ആദരിച്ചു. വിവിധ മേഖലകളിൽ പ്രതിഭ തെളിയിച്ച മാനസമീര ഉൾപ്പെടെ നാൽപ്പതിൽ അധികംപേർ പങ്കെടുത്തു. ​സെക്രട്ടറി ജെ മഹാദേവൻ, ലൈബ്രറി താലൂക്ക് കൗൺസിലംഗം എ പ്രകാശ്, പഞ്ചായത്തംഗങ്ങളായ ഷാജി കരുവാറ്റ, മിനി പോക്കാട്, എൻഎസ്എസ് കരയോഗം സെക്രട്ടറി പ്രദീപ് പോക്കാട്ട്, പഞ്ചായത്ത് സെക്രട്ടറി ഹരിദാസ്, വി സുരേന്ദ്രൻ, കെ രാധാകൃഷ്‌ണൻ, ഡോ. ശ്രീനി, ഡോ. സജിനി ആർ കുറുപ്പ്, കാർത്തിക്, എന്നിവർ സംസാരിച്ചു.