കയർ ഫെഡിന്റെ ഓണച്ചന്ത 
തൃക്കുന്നപ്പുഴയിൽ

ഹരിപ്പാട്

കയർഫെഡിന്റെ ഓണം വിപണനമേള തൃക്കുന്നപ്പുഴ ജങ്‌ഷനിൽ പഞ്ചായത്ത് പ്രസിഡന്റ് വിനോദ് പാണ്ഡവത്ത്​ ഉദ്ഘാടനംചെയ്​തു. ആദ്യ വിൽപ്പന ജില്ലാ പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷൻ അഡ്വ. ടി എസ് താഹ നടത്തി. കയർഫെഡ് മെത്തകൾ 50% വരെ വിലക്കുറവിലും മറ്റ്​ ഉൽപ്പന്നങ്ങൾ 25 മുതൽ 50 ശതമാനം വരെ വിലക്കുറവിലും ലഭ്യമാണ്. പഞ്ചായത്തംഗം ലഞ്ചു സതീശൻ അധ്യക്ഷയായി. സിപിഐഎം ഏരിയ കമ്മിറ്റി അംഗം കെ മോഹനൻ, കോൺഗ്രസ്​ (ഐ) മണ്ഡലം പ്രസിഡന്റ്‌ തൃക്കുന്നപ്പുഴ പ്രസന്നൻ എന്നിവർ സംസാരിച്ചു. കയർഫെഡ് മാർക്കറ്റിങ്​ മാനേജർ അനുരാജ സ്വാഗതവും ഷോറൂം മാനേജർ സുമ നന്ദിയും പറഞ്ഞു.