ബിഗ് ക്യാൻവാസ് -ചിത്രരചന

ആലപ്പുഴ

എസ്‌എസ്‌കെ ബിആർസി ലോക ഭിന്നശേഷി വാരാചരണത്തിന്റെ ഭാഗമായി "ബിഗ് ക്യാൻവാസ്' ചിത്രരചന നടത്തി. സാമൂഹ്യ പുരോഗതിക്കായി ഭിന്നശേഷി സൗഹൃദ സമൂഹത്തെ വളർത്തിയെടുക്കുക എന്ന ലക്ഷ്യത്തോടെ ലിയോ തേർട്ടീന്ത്‌ ഹയർസെക്കൻഡറി സ്കൂളിൽ ജില്ലാ കലോത്സവ വേദിക്ക് സമീപം വിദ്യാഭ്യാസ ഉപഡയറക്ടർ ഇ എസ് ശ്രീലത ഉദ്ഘാടനംചെയ്‌തു. എസ്എസ്‌കെ ജില്ലാ പ്രോജക്ട് കോ–ഓർഡിനേറ്റർ ജി ഗോപലാൽ, ബിപിസി സന്ദീപ്‌ ഉണ്ണികൃഷ്ണൻ, ഉപജില്ലാ വിദ്യാഭ്യാസ ഓഫീസർ എം കെ ശോഭന, എസ്എസ്‌കെ പ്രോഗ്രാം ഓഫീസർ ബിജിമോൾ തുടങ്ങിയവർ പങ്കെടുത്തു.