പ്രതിഷേധിച്ച് ജനപ്രതിനിധികൾ
108 ആംബുലൻസ് വീണ്ടും കായംകുളത്തേക്ക് കടത്തി

സജി ചെറിയാൻ എംഎൽഎ മാന്നാർ സി എച്ച്സിയുടെ മുന്നിൽ നടത്തിയ ധർണയിൽ പങ്കെടുക്കുന്നു
മാന്നാർ
മാന്നാറിൽനിന്ന് കായംകുളത്തേക്ക് മാറ്റിയ ശേഷം തിരികെ എത്തിച്ച 108 ആംബുലൻസ് വീണ്ടും കായംകുളത്തേക്ക് മാറ്റി. മന്ത്രിയുടെ മണ്ഡലത്തിലേക്ക് ആംബുലൻസ് കടത്തിയതിൽ പ്രതിഷേധിച്ച് മാന്നാർ സിഎച്ച്സി യുടെ മുന്നിൽ കക്ഷിരാഷ്ട്രീയ ഭേദമെന്യേ ജനപ്രതിനിധികൾ പ്രതിഷേധ ധർണ നടത്തി. സജി ചെറിയാൻ എംഎൽഎ ധർണയിൽ പങ്കെടുത്ത് സംസാരിച്ചു. മാവേലിക്കര ബ്ലോക്ക് പഞ്ചായത്ത് പ്രസിഡന്റ് കെ മധുസൂദനൻ ഉദ്ഘാടനംചെയ്തു. പഞ്ചായത്ത് പ്രസിഡന്റ് ബി കെ പ്രസാദ് അധ്യക്ഷനായി. വൈസ് പ്രസിഡന്റ് പി എ ലത, ജില്ലാ പഞ്ചായത്തംഗം ജി കൃഷ്ണകുമാർ, ചെങ്ങന്നൂർ ബ്ലോക്ക് പഞ്ചായത്ത് പ്രസിഡന്റ് എൻ സുധാമണി, പി എൻ ശെൽവരാജൻ, കെ പി പ്രദീപ്, സതീഷ് കൃഷ്ണൻ, ചാക്കോ കൈയത്ര, അജിത് പഴവൂർ, വത്സല ബാലകൃഷ്ണൻ, സി പി സുധാകരൻ, കെ പ്രശാന്ത് എന്നിവർ സംസാരിച്ചു.









0 comments