തോട്ടിൽനിന്ന്‌ കോരിയ 
മാലിന്യം നീക്കണം

കൊച്ചി

കോർപറേഷൻ ഗാന്ധിനഗർ 12–-ാം ഡിവിഷനിൽ ഗ്രീൻലെയ്ൻ റോഡിൽ തോട്ടിൽനിന്ന്‌ കോരിമാറ്റിയ മാലിന്യം റോഡരികിൽ കൂട്ടിയിട്ടിട്ട് മാസങ്ങളായി.

കഴിഞ്ഞദിവസംപെയ്ത മഴയിൽ മാലിന്യം റോഡിലേക്ക് ഒഴുകിയെത്തിയതുമൂലം കാൽനടയാത്രക്കാർക്ക് സഞ്ചരിക്കാൻ സാധിക്കാത്ത സ്ഥിതിയാണ്‌. ദുർഗന്ധമുള്ള ചെളിവെള്ളം പരിസരത്തെ വീടുകളുടെ മുറ്റത്തേക്ക് ഒഴുകിയെത്തുകയാണ്‌.

ഇതുമൂലം കൊതുകുശല്യവും പകർച്ചവ്യാധി പടരാനുള്ള സാധ്യതയുമുണ്ട്‌. മാലിന്യം അവിടെനിന്ന്‌ നീക്കം ചെയ്യണമെന്ന് കൗൺസിലറോട് പല പ്രാവശ്യം ആവശ്യപ്പെട്ടിട്ടും പരിഹാരമായില്ലെന്ന് പ്രദേശവാസികൾ പറഞ്ഞു.​