കുസാറ്റിൽ അനിശ്ചിതകാലസമരം തുടരുന്നു

കളമശേരി

കുസാറ്റിലെ എംപ്ലോയീസ് അസോസിയേഷൻ നേതാക്കളെ രാഷ്ട്രീയവിരോധത്താൽ സസ്പെൻഡ്‌ ചെയ്ത സിൻഡിക്കറ്റ് നടപടിക്കെതിരെ ആരംഭിച്ച അനിശ്ചിതകാലസമരം 17 ദിവസം പിന്നിട്ടു.

നാലാം ശനിയാഴ്ച ഭരണവിഭാഗം ഓഫീസ് മാത്രമാണ് പ്രവർത്തിച്ചത്. ജീവനക്കാർ സമരത്തിനിറങ്ങരുതെന്ന സർക്കുലർ അവഗണിച്ച് ഭൂരിപക്ഷംപേരും സമരപ്പന്തലിലെത്തി.

സമരം അസോസിയേഷൻ ജോയിന്റ്‌ സെക്രട്ടറി സി രജിത ഉദ്ഘാടനം ചെയ്തു. പ്രസിഡന്റ്‌ ആർ അനിൽകുമാർ അധ്യക്ഷനായി. ഡോ. ടി റജിൽ, വി എസ് ശിവൻകുട്ടി, പ്രഭാകരൻ തുടങ്ങിയവർ സംസാരിച്ചു.