തൃശൂരും എറണാകുളവും ചാന്പ്യന്മാർ

കൊച്ചി

സംസ്ഥാന സ്കൂൾ ഗെയിംസിന്റെ ഭാഗമായി കളമശേരി സെന്റ് പോൾസ് കോളേജ് ഗ്രൗണ്ടിൽ നടന്ന ജൂനിയർ ബോയ്സ് ക്രിക്കറ്റിൽ തൃശൂർ ജേതാക്കളായി. ഇടുക്കി രണ്ടാംസ്ഥാനവും ആലപ്പുഴ മൂന്നാംസ്ഥാനവും നേടി.

വിജയികൾക്ക് ഒളിമ്പ്യൻ പി ആർ ശ്രീജേഷ് സമ്മാനം നൽകി. മികച്ച ബാറ്ററായി മുഹമ്മദ് ഇഖ്ബാലിനെയും (ഇടുക്കി) മികച്ച ബൗളറായി സി പി ഹർഷനെയും (ഇടുക്കി) തെരഞ്ഞെടുഞ്ഞു. ബെസ്റ്റ് പ്രോമിസിങ് പ്ലെയറായി ജേക്കബ് മാത്യുവിനെയും (തിരുവനന്തപുരം) പ്ലെയർ ഓഫ് ദ ടൂർണമെന്റായി കെ എസ് നവനീതിനെയും (തൃശൂർ) തെരഞ്ഞെടുത്തു. സീനിയർ പെൺകുട്ടികളുടെ ക്രിക്കറ്റിൽ ആതിഥേയരായ എറണാകുളം ചാന്പ്യന്മാരായി. തിരുവനന്തപുരത്തെ തോൽപ്പിച്ചാണ്‌ കപ്പടിച്ചത്‌.