ചോറ്റാനിക്കരയിൽ 
പാടം നികത്തുന്നു

ചോറ്റാനിക്കര

പാടശേഖരം മണ്ണിട്ടുനികത്തുന്നതായി പരാതി. ചോറ്റാനിക്കര പഞ്ചായത്ത്‌ രണ്ടാംവാർഡിൽ വയലിൽ പാടത്താണ് അനധികൃതമായി മണ്ണിട്ടുനികത്തുന്നത്. പഞ്ചായത്ത് അംഗത്തിന്റെ അറിവോടെയാണ് അനധികൃത നികത്തലെന്നാണ് പ്രദേശവാസികൾ പറയുന്നത്.

ഇതുസംബന്ധിച്ച് കെഎസ്-കെടിയു വില്ലേജ് കമ്മിറ്റി വില്ലേജ് ഓഫീസർക്ക് പരാതി നൽകി.

പാടം നികത്തിയാൽ പ്രദേശത്ത് കുടിവെള്ളക്ഷാമം രൂക്ഷമാകും. പാടം നികത്താനുള്ള ശ്രമം തടയണമെന്നും ഇട്ട മണ്ണ് കോരിമാറ്റണമെന്നും കെഎസ്-കെടിയു വില്ലേജ് കമ്മിറ്റി ആവശ്യപ്പെട്ടു.