ദേശീയ അബാക്കസ് ചാന്പ്യൻഷിപ്പിൽ 
മൂന്ന് സ്വർണനേട്ടങ്ങൾ

കാക്കനാട്

ചെന്നൈയിൽ നടന്ന ദേശീയ ബ്രെയിൻ ഓ ബ്രെയിൻ അബാക്കസ് ചാന്പ്യൻഷിപ്പിൽ സ്വർണമെഡലുകൾ സ്വന്തമാക്കി കാക്കനാടിന്റെ കൊച്ചുമിടുക്കർ.

തൃക്കാക്കര നൈപുണ്യ പബ്ലിക് സ്കൂളിലെ നിവേദ്യ മേലേകളത്തിൽ, തേവക്കൽ വിദ്യോദയ സ്കൂളിലെ മേഘ്ന ചെരിയത്ത്, ഭവൻസ് ആദർശ വിദ്യാലയത്തിലെ നന്ദിനി എ പൈ എന്നിവരാണ് ദേശീയതലത്തിൽ ഉജ്വല വിജയം കൈവരിച്ചത്. വിവിധ സംസ്ഥാനങ്ങളിൽനിന്നായി ആയിരക്കണക്കിന് വിദ്യാർഥികൾ മാറ്റുരച്ച മത്സരത്തിലാണ് ഈ മിടുക്കികൾ നേട്ടം കൊയ്തത്.