മൂക്കന്നൂർ-–ഏഴാറ്റുമുഖം 
റോഡിൽ അപകടക്കെണി

അങ്കമാലി

മൂക്കന്നൂർ–ഏഴാറ്റുമുഖം റോഡിൽ കരയാംപറമ്പ് ആദം പബ്ലിക്‌ സ്കൂളിനുസമീപം അപകടക്കെണി. ഉയരംകൂട്ടിയ റോഡിന്റെ ഡ്രെയിനേജിന്റെ നിര്‍മാണം പാതിവഴിയിൽ നിർത്തിയിട്ട് മൂന്നുവർഷമായി.

100 മീറ്ററോളം വരുന്ന ഭാഗത്ത് ഡ്രെയിനേജോ സൈഡ് വർക്കോ പൂർത്തീകരിച്ചിട്ടില്ല. ഈ ഭാഗത്ത് സൈഡ് ലൈനിനുപുറത്ത് ചരിഞ്ഞ സ്ഥലത്ത് ഒരാൾക്ക് നിൽക്കാൻപോലും ഇടമില്ല. ഇതുമൂലം കാൽനടക്കാരും ഇരുചക്രവാഹനക്കാരും അപകടത്തിലാകാന്‍ സാധ്യതയുണ്ട്. സുരക്ഷയെ മുൻനിർത്തി പ്രദേശവാസികള്‍ ഈ ഭാഗത്ത് പോസ്റ്റുകളിൽ റിബൺ വലിച്ചുകെട്ടിയിട്ടുണ്ട്.