എം എം ലോറൻസിന്‌ 
നാടിന്റെ സ്‌മരണാഞ്ജലി

തിരുവനന്തപുരം/കൊച്ചി

തൊഴിലാളിവർഗത്തിന്റെ മോചനത്തിനായി ജീവിതം ഉഴിഞ്ഞുവച്ച സമരപോരാളി എം എം ലോറൻസിന്റെ ഓർമപുതുക്കി നാട്‌. എ കെ ജി സെന്ററിൽ സിപിഐ എം സംസ്ഥാന സെക്രട്ടറി എം വി ഗോവിന്ദൻ പതാക ഉയർത്തി. സിഐടിയു സംസ്ഥാന കമ്മിറ്റി ഓഫീസിൽ സംസ്ഥാന സെക്രട്ടറി വി ശിവൻകുട്ടി പതാക ഉയർത്തി.

​സിപിഐ എം എറണാകുളം ജില്ലാ കമ്മിറ്റി ഓഫീസായ കലൂർ ലെനിൻ സെന്ററിൽ ജില്ലാ സെക്രട്ടറി എസ്‌ സതീഷ്‌ പതാക ഉയർത്തി.

കേന്ദ്ര കമ്മിറ്റി അംഗങ്ങളായ പി രാജീവ്‌ എറണാകുളത്തും സി എസ്‌ സുജാത തൃക്കാക്കരയിലും സംസ്ഥാന കമ്മിറ്റി അംഗം എ എ റഹിം കോലഞ്ചേരിയിലും അനുസ്‌മരണ സമ്മേളനങ്ങൾ ഉദ്‌ഘാടനംചെയ്തു. ജില്ലാ സെക്രട്ടറിയറ്റ്‌ അംഗങ്ങളായ പി ആർ മുരളീധരൻ മൂവാറ്റുപുഴയിലും ജോൺ ഫെർണാണ്ടസ് പള്ളുരുത്തിയിലും ഏരിയ കമ്മിറ്റി ഓഫീസുകൾക്കുമുന്നിൽ പതാക ഉയർത്തി. ദേശാഭിമാനിയിൽ ലോക്കൽ സെക്രട്ടറി ടി ആർ അനിൽകുമാർ പതാക ഉയർത്തി.