ലുലു ഫൺട്യൂറ ടെൻ പിൻ ബോളിങ്‌: 
ഷാബിൻ ഇബ്രാഹിം വിജയി ​

കൊച്ചി

ലുലു ഫൺട്യൂറയുടെ ആഭിമുഖ്യത്തിൽ സംഘടിപ്പിച്ച ടെൻ പിൻ ബോളിങ്‌ ടൂർണമെന്റിൽ ഷാബിൻ ഇബ്രാഹിം (എറണാകുളം) വിജയിയായി. സി ഐ ഷാബിന്‍ (മാഞ്ഞാലി), അമിത് ഉപാധ്യായ (എറണാകുളം) എന്നിവര്‍ രണ്ട്, മൂന്ന് സ്ഥാനം നേടി. ​

മഹിപാൽ സിങ്‌ (ചെന്നൈ) ടോപ് സ്കോററായി. വിജയിക്ക് ഐഫോൺ 17 സീരിസ് ഫോണും ട്രോഫിയും രണ്ടാംസ്ഥാനത്തിന് 25,000 രൂപയുടെ സ്മാർട്ട് ഫോണും മൂന്നാംസ്ഥാനത്തിന് 10,000 രൂപയും ട്രോഫിയും സമ്മാനിച്ചു.

ലുലു ഓൺ സെയിലിന്റെ ഭാ​ഗമായി നടന്ന ടൂര്‍ണമെന്റില്‍ വിവിധ സംസ്ഥാനങ്ങളിൽനിന്നായി നാല്‍പതോളം പേര്‍ പങ്കെടുത്തു. ആറുപേരാണ് ഫൈനലില്‍ മത്സരിച്ചതെന്ന്‌ ലുലു ഫൺട്യൂറ അധികൃതർ അറിയിച്ചു.