എ പി കുര്യൻ ചരമവാർഷികം: ലോഗോ പ്രകാശിപ്പിച്ചു

അങ്കമാലി

മുൻ നിയമസഭാ സ്പീക്കറും സിപിഐ എം സംസ്ഥാന കമ്മിറ്റി അംഗവുമായിരുന്ന എ പി കുര്യന്റെ 25–-ാമത് ചരമവാർഷിക ദിനാചരണ പരിപാടികളുടെ ലോഗോ സിപിഐ എം ജില്ലാ കമ്മിറ്റി അംഗം കെ കെ ഷിബു പ്രകാശിപ്പിച്ചു.

ജില്ലാകമ്മിറ്റി അംഗം സി കെ സലിംകുമാർ ഏറ്റുവാങ്ങി. ഏരിയ സെക്രട്ടറി കെ പി റെജീഷ് അധ്യക്ഷനായി. എം ടി വർഗീസ്, സജി വർഗീസ്, ജിഷ ശ്യാം എന്നിവർ സംസാരിച്ചു. എ പി കുര്യൻ ഓർമയായിട്ട് ആഗസ്ത്‌ 30ന് കാൽനൂറ്റാണ്ട് പിന്നിടുകയാണ്. ഒരുമാസം നീളുന്ന പരിപാടികൾക്ക്‌ ആഗസ്ത്‌ ഒന്നിന് അങ്കമാലിയിൽ തുടക്കമാകും.