ഉത്തരവ് കത്തിച്ച് കെഎസ്ടിഎ പ്രതിഷേധിച്ചു

ട്രോളിങ്‌ നിരോധനം: കുതിച്ച്‌ മീൻ വില സ്വന്തം ലേഖകൻ കൊച്ചി ട്രോളിങ്‌ നിരോധനം തുടങ്ങിയതോടെ മീൻവിപണിയിൽ വില കുതിക്കുന്നു. മീൻലഭ്യതയിൽ വലിയ കുറവുണ്ട്‌. യന്ത്രവൽക്കൃതബോട്ടുകൾ കരയ്‌ക്കടുപ്പിച്ചതോടെ ഇൻബോർഡ്‌ വള്ളങ്ങളും പരന്പരാഗത യാനങ്ങളും മാത്രമാണ്‌ മീൻപിടിത്തത്തിനായി കടലിൽ പോകുന്നത്‌. ആവശ്യക്കാർ ഏറെയുള്ള ചാള, കൊഴുവ, കിളിമീൻ, കേര, പുള്ളിമോത, കണവ, കേര, നെയ്‌മീൻ, ആവോലി, വിളമീൻ, ഏരി, വറ്റ തുടങ്ങിയവയുടെ ലഭ്യത കുറഞ്ഞു. ട്രോളിങ്‌ നിരോധനത്തിനുമുന്പ്‌ 200 രൂപയിൽ താഴെയായിരുന്ന ചാളയ്ക്ക്‌ 300 മുതൽ 360 രൂപയും കിളിമീനിന്‌ 260 മുതൽ 300 രൂപയുമായി. കൊഴുവ 220–240 രൂപവരെയെത്തി. കഴിഞ്ഞയാഴ്ച 160 രൂപയായിരുന്നു. മറ്റു മീനുകളുടെ വിലയും കുതിച്ചു. 120 രൂപയായിരുന്ന ചെറിയ അയലയ്ക്ക്‌ 160 രൂപയായി. ചെറിയ മീനുകൾക്കുവരെ വില ഉയർന്നതോടെ വിൽപ്പനയും കുറഞ്ഞു. കടൽമീനുകളുടെ വരവ്‌ കുറഞ്ഞതോടെ റോഹു, പിരാന, സിലോപ്പി തുടങ്ങിയ വളർത്തുമീനുകളും വ്യാപാരികൾ വിൽപ്പനയ്ക്ക്‌ എത്തിച്ചുതുടങ്ങി. തോപ്പുംപടി, വൈപ്പിൻ, മുനന്പം, ചെല്ലാനം ഹാർബറുകളിൽനിന്നാണ്‌ എറണാകുളം ജില്ലയിലെ വിവിധ മാർക്കറ്റുകളിലേക്ക്‌ മീനുകൾ എത്തുന്നത്‌. ദിവസം മുഴുവൻ വ്യാപാരം നടന്നിരുന്ന പ്രധാന മാർക്കറ്റുകളിലെല്ലാം ഉച്ചയോടെ മീൻ തീരുന്ന സാഹചര്യമാണ്‌.

രാഷ്ട്രീയപ്രേരിതമായി അധ്യാപകരെ സ്ഥലംമാറ്റിയ നടപടി പിൻവലിക്കണമെന്നാവശ്യപ്പെട്ട് കെഎസ്ടിഎയുടെ നേതൃത്വത്തിൽ നടത്തിയ പ്രതിഷേധം  ഉത്തരവ് കത്തിച്ച്‌ സംസ്ഥാന ജനറൽ സെക്രട്ടറി ടി കെ എ ഷാഫി ഉദ്ഘാടനം ചെയ്യുന്നു

വെബ് ഡെസ്ക്

Published on Jun 13, 2026, 02:10 AM | 1 min read

കൊച്ചി

കേരള സ്‌കൂൾ ടീച്ചേഴ്‌സ് അസോസിയേഷന്‍ (കെഎസ്ടിഎ) സംസ്ഥാന സെക്രട്ടറി പി ജെ ബിനേഷ്, വയനാട് ജില്ലാ ജോയിന്റ് സെക്രട്ടറി വിൽസൺ തോമസ് എന്നിവരെ രാഷ്ട്രീയപ്രേരിതമായി സ്ഥലംമാറ്റിയതിൽ പ്രതിഷേധിച്ച് കെഎസ്‌ടിഎ ജില്ലാ കമ്മിറ്റിയുടെ നേതൃത്വത്തിൽ മാർച്ച്‌ നടത്തി.

സമഗ്രശിക്ഷ കേരള പ്രോഗ്രാം ഓഫീസർമാരായ ഇരുവരും അന്യത്ര സേവനം അവസാനിപ്പിച്ച സാഹചര്യത്തിൽ ഇവർക്ക്‌ മാതൃജില്ലയായ വയനാട്ടിൽത്തന്നെ ജൂൺ അഞ്ചിന് നിയമനം നൽകിയിരുന്നു. എന്നാൽ, പത്തിന് ഇരുവരെയും കാരണം കാണിക്കാതെ കാസര്‍കോട്ടേക്ക് മാറ്റുകയായിരുന്നു.

വിവാദ ഉത്തരവ് കത്തിച്ച്‌ ജനറൽ സെക്രട്ടറി ടി കെ എ ഷാഫി മാർച്ച്‌ ഉദ്ഘാടനം ചെയ്തു. ട‍ൗൺഹാളിന്‌ സമീപത്തുനിന്ന്‌ ആരംഭിച്ച മാർച്ച്‌ കച്ചേരിപ്പടിയിൽ സമാപിച്ചു. ജില്ലാ പ്രസിഡന്റ് ജി ആനന്ദകുമാർ അധ്യക്ഷനായി. സംസ്ഥാന സെക്രട്ടറി എം കെ നൗഷാദ്‌ അലി, സംസ്ഥാന എക്സിക്യൂട്ടീവ്‌ കമ്മിറ്റി അംഗങ്ങളായ ഏലിയാസ് മാത്യു, കെ ജെ ഷൈൻ, സംസ്ഥാന കമ്മിറ്റി അംഗങ്ങളായ ഡാൽമിയ തങ്കപ്പൻ, പി എം ഷൈനി, ജില്ലാ സെക്രട്ടറി എം നിയാസ്, ട്രഷറർ എ എൻ അശോകൻ എന്നിവർ സംസാരിച്ചു.